Sampot

ayagi graben agew ya, amay atornik ni lawari so dahilan ya napostpon lamet so vista me ta atrasadong maong, amay doktor ko ni maganat ya umsimpet la, maong ta apikasian ko ya manalagar ya daiset ni, nanmulta ak balet..hehe ayos labat ta baleg so sakripisyo to met..

komon unsabi ya tampol sa ileksab na desiyon..

salamat ed Katawan ta ag to ak kinaindan..

Pista

pistay Bugallon manaya natan, pangiter na galang ed si San Andrews Apostol ya patron na Bugallon, inibaan ko si inarok ya manganak ed binyag ed samay ilalak nen kuyak..

diad labi, agak la linmad plaza o di no aki inuman a singa nen saman, ta anggapo met iray barkadak dia natain, katon ninunot ko lay mantrabo,nanlukas at lay shop maong ni ta dakel so customer..hehe

Sukat

ayan agew inibaan to ak nen Archie ya manpasukat na barong, e.. asinger la so pankasal to yay amigok, no Desyember 18 la..sakey yak ya apili ya mangantabay ed sikato diad sankaimportantian ya agew na bilay dan san inaro nen Ems..

BIR part 2

salamat ed dios ya katawan ta asumpal ak ya tampol karuman..dakel met la so too pero aliwa nin seksekan..maong manaya sa mansapbay ya magrenew ta arawid sabit..hehe

BIR

nabwas unla ak ed BIR ya manfile na book of accounts sakbayen ko la ta masyadong dakel sa gagawaen no desembre ampanu agko la naarap, komon ta nasumpal ko nabwas..tan agak la ko mon napamaskuwan na BIR ta baleg lay nala daw siak..

Fan

angaliw ak na led case fan amay 120mm diad cdrking (anggapo so budget)..haha tan balon card reader ta amay sinalew kon dating reader (diad cdrking dasma) et aderal la..asabi to met to sakey taon anggapo singkweta pesos labat..haha amay sony ya reader ko 1,500 so impangaliw ko..matibay man balet agto la nabasa era may balon format ya memory card (sd-hc)..

Cristo Rey

Traffic diad lingayen, nen pasempet kami ya nanlapod dagupan in detour da kami dimad nangsangaan road amay shortcut ya paunla ed dagupan nu nanlapo kad bugallon o di no diad dapitilog ya parte pangasinan, anunan ko cristo rey manaya ed lingayen katon walay parada, agko la ra antay ra may katolikon pista nen saman aktibo ak ya membro na kabataan ed parokya mi..mi mila ak ni ingen ed atibidadis da, camping kanto ra..

Mabayag!

makapa syudot ya talaga diad sika tayo, masyadon mabayag so proceso na ley tayo, ta amay petition ko et apostpone lamet..


apirdi so oras tan sagpot,

komon no lunes et nagapuan la so pagtestigo nen inarok tan say pangalay testimonyak..

komon!

Simba la lamet

agew na painawa, aya so agew men dua nen inarok, mimisa tan umpasyar no kayari to, no maminsan gustok so mantrabaho ni ta maksel so anap nu simba, balet pan pasnukan to ak..

natatalusan ko met balet, ta nepeg ya maminsan ed sakey simba so man painawa tan magliket..

no say diyos et nanpainawa dapat labat ya sika tayon pinalsa met so man painawa tan misalamat diad panamegley na misa.

Pista inatey (duan libo tan samplu ra)

Diad nanunutan ko ayan taon labat so agak pim-masyar ed kamposanto nen ugak ak malike-liket ak nu unsasabi yan okasyon, masasapbay kami nen baik ya unla ed kamposanto, asalik ni nanlako ya kandila..hehe, balet nen untataken ak la singa angarisan ak la (lalo natan), siguro iiwasan ko isilibra iray tradition ya anggapoy maong ya basihan to lan lamang ed say pagka kristyanok, sakey ak ya katoliko pero dakel ya so antak ya tradition na sayan ulupan ya anggapoy basehan tod biblya, kaibala la ya'y tatawagan dan pista inatey, tan todos los santos.

tan aliwa-liwa met lan lamang so pansusumpalan to ya okasyon ta dinalan ko met, singa pista na mabilay, no onla kad kamposanto puro papormaan labat so anta da ray karaklan ya kaparak nen saman..haha wadtan lay man nengneng na mamariket ya magagana tan malimgas, magsugal (anggano ginalaw labat) tan inuman ni nen saman maung labat ta malet la natan iray arum ya makauley, sebel la ray baraha tan alak, pero antak wala ni ray makakalusot..

antak ya say intensyon to yan selebrasyon et maong..balet anta yo lay katoliko masyadon maluwag so panag uley darad say tupa da. apasal la la ingen iray arom ya gagawain dad agta natatalusan, singa no naani ayagi nasabi la lamet so misa di bana (misa di gallo) balet sananey lan estory lamet man.

agko met lilingwanan iramay akauna lad siak, balet sayan taon siguro pass ak ni,
say pangidayew ko met ed sara may tuwan anta day kabaliksaan to yan agew (lalo amay nabwas) ira may ansakit ni loob da ya naangpo an iray inaro, ira man makakailew tan iraman gabat ton talagan pasyaren so inaron dan akauna la.

no agak nalilingo nen grade 2 o din 4 ak amo, diad ingka kalasyan ko..tinupak ko may kandila ya aka tirik ed si lolok ya inatey la, papaerep dad siak ed tinupak ko bato, san nansumpalan to timmalsik ed lupak iman manlelwag ya likido ya natutunaw na kandila, aputlan so lupak maong da aga aderal..hehe

CD - R King Ed Nepo Dagupan

asabi met ya siansiya, abayag met ko lan alagaren yan saliwan na ambabangil ya nasaliw nipaakar ed saray uusarin ed computer than diad opisina ta sika to met so sankmuraan ya manlalako ray antukaman ya nipaakar ed makabalon panaon..

angaliw ya tampol ya DVD ta sikato met so sankamaongan yan lako da..diad ngaram da met naibalikas so nanlapuan na negosyo da..

analiw ak met ya laminator naduaray kanunutan ko ta sakey simba labat so "warranty" to balet diad pakamurak inlitdem ko lad tan. ta tripli so presyo to may abayag ko lang kursanadan saliwen..

komon ta nabawik so impangaliw ko..

Kumaduan Bista..Makapasyudot ya digitel..ambabangil nira.

Makapasulag yay digitel ya talaga anggan kapiga, aderal so internet ko ya pigaran agew, tan nen pimmawil, anggapoy duaran agew anggapo la lamat so internet..tinakew da lamet amo so amay linya da o dino kwanda labat ta aman lan lanang sa baraan da no anggapo sa internet..

nen palbangon ya petsa bente siete, ed sayan taon inabet mi ra si atse nen inarok kaiba toy pamilya to ya nanlapod tuguegarao, inabet mi rad Urdaneta usar may naarkilan dyip, say leket nen inarok so natnatno ta agay lay iliw to lad sara may ugagaw.

diad kabuasan na alas otso medya et lemma kami ed RTC na Lingayen ta kumaduan bista na amay petition ko ed aliwan ngaran tan gender to (agko anta so gender ed pangasinan..haha) say antak nasumpal la et anggpo met lan lamang so agawaan ninengneng to ak labat may hukom tan diad umtombok la kono sa pang testimonyak.

gawaen dan tasi so inarok, ayagi komon ag man nerbyos ta sika to et nerbyoso no arum..haha

Mabanal ya Agew

Mabanal ya togtuwa, ta agak aka ugep, ansakit so beneg ko, tan say eges ko so managasang, lawas la no agak makaugep ya masapbay managasang so eges ko. Agko anta no narasan o "hyper acidity labat".

Agak lawari umboto ta makapangiras, bin-marong ni may inarok aliway imbangon ton kaparak, maong labat ta maganon naikal so barong to ya singa siak. koma limanplo tan talora mi la manayan bolan at san inaro natan.

binmoto ak met lan lamang, anggano angapo lawari so napili ya maong ya ileletneg a mansilbi diad barangay me. akauley to lad tan..

+++
akauley to lad tan - bahala na, come what may

Asabi lay Panimili Lamet

ay, bali-bali no asinger lay eleksyon mabilay so anapan..anamet ko met ah..makapalek labat ta tua ya abagyo so pangasinan.,pero aliwan untan to met ya maksil et dakel sa rasyon, say pakakalekan ko bagno aliwan eleksyon agi pairapan so umpila da ramay kaparak ya mairap bilay makala labat ya daiset ya "noddles" tan belas no swerte et walay kape tan masamit, natan et say rasyon et wagwala agka kani nepeg ya umpila la. ta itoktok da ed abong mo..

walay bonus to balet, para kapitan/kagawad kanto..ya aka ngireste ni may litrato na kandidato..bali-balin kagagawa tan?

Say Ununan Pangibesngaw

ayagi, nigapok met so manggawa'y balon panagbesngaway bapbaraan tan antukaman ya walad saya'y agmakareen ya kanunutan ko..pasensya kila no dakel ed si kayo so ag makatalos ed saray iparuntal ko rad dya, tawag yo ray pangalatoc ya amimigo yo no gabay un natalusan, ta siak et ninonot ko lan talaga ya usaren so pangalatoc..akin? anggapo gabay ko labat..haha

dyad maung ya pito-tongtong, gabay kon ipakabat so salita me, tan kabansag to tan et say sarilik met la ya sakey a pangasinense..

gawaen ko yan singa listaan na amin ya nagamuran tan nanengneng ko diad panbibilay ko a sakey ya pangalatoc ya kwanda, ibaga daray arum et makapoy so pangalatoc ya salita ta sa gabay to ko non ibaga yat "pangalatok aderal so toktok" balet anggapo mo so pakaberberan ya ayan salita ed ditan ginmapo..basta say antak et no taga pangasinan ka tan say salitam ed aliwan ilokano (ta kamayamay met so ilokano ya taga pangasinan) et sika so puro ya pangalatok tan tuan tagad pangasinan..

e sya, labi la..nabwas lamet..

ay walay alingwanan ko lawari..aliwak ya sakey ya mananuntong tan manatsulat na araralem ya pangalatoc ingen et sakay ak lan matalag ya mansalita ya pangasinan ta say inarok et tagalog.. katon no wala ray aliway letra to dya et syak met so lawas ya mangawat ya kurihi.

lawas.,.